कपिलवस्तु दोस्रो पटक पूर्ण खोप सुनिश्चितता घोषणा

कपिलवस्तुलाई दोस्रो पटक पूर्ण खोप सुनिश्चितता तथा दिगोपन जिल्ला घोषणा गरिएको छ। जिल्लामा रहेका १५ महिनादेखि ५९ महिनासम्मका सबै बालबालिकाहरू खोपको पहुँचमा पुगेको प्रतिवेदन प्रस्तुत गर्दै जिल्लालाई पूर्ण खोप जिल्ला घोषणा गरिएको हो। यसअघि २०८१ असार ३० गते समेत कपिलवस्तुलाई पूर्ण खोप जिल्ला घोषणा गरिएको थियो।

जिल्ला खोप समन्वय समितिले तौलिहवामा राखेको घोषणा सभामा लुम्बिनी प्रदेशका स्वास्थ्य मन्त्री रामजी प्रसाद घिमिरेले गमलामा पानी छरेर कार्यक्रमको शुभारम्भ गर्दै सबैको अथक प्रयासपछि कपिलवस्तुले यो उपलब्धि हासिल गरेको भन्दै आभार व्यक्त गरे।