वैदेशिक रोजगारीलाई सुरक्षित बनाउन 'अपरेसन इलिगल एजेन्ट क्लिन-अप'

काठमाडौं । युवा, श्रम तथा रोजगार मन्त्रालयले वैदेशिक रोजगारीको क्षेत्रमा रहेका बेथिति अन्त्य गर्न र श्रमिकहरूलाई सहज सेवा उपलब्ध गराउन भन्दै दुईवटा सुधारका पहलहरू घोषणा गरेको छ ।

श्रममन्त्री रामजी यादवले 'अपरेसन इलिगल एजेन्ट क्लिन-अप' र स्थानीय तहबाटै श्रम स्वीकृतिको सहजीकरण गर्ने कार्य ७५३ वटै स्थानीय तहका रोजगार संयोजक र आप्रवासन स्रोत केन्द्रका काउन्सलरहरूसँग भर्चुअल अन्तर्क्रिया गर्दै शुभारम्भ गरे ।