रसुवाका बाढीपीडितलाई मधेस प्रदेश नेकपाका सांसद र कर्मचारीको १५ दिनको तलब सहयोग

जनकपुरधाम। रसुवाको भोटेकोशीमा आएको बाढीले निम्त्याएको विनाशबाट प्रभावित परिवारको राहत तथा पुनर्स्थापनाका लागि मधेस प्रदेशको नेपाल कम्युनिस्ट पार्टी (नेकपा) संसदीय दलको कार्यालयले १५ दिन बराबरको तलब सहयोग प्रदान गर्ने भएको छ।

संसदीय दलमा आबद्ध प्रदेशसभा सदस्य, स्वकीय सचिव तथा कर्मचारीहरूको १५ दिनको तलब कट्टा गरी बाढीपीडितलाई पठाउने निर्णय गरिएको हो।