इरानसँगको लामो द्वन्द्वपछि अमेरिकाले बहुराष्ट्रिय ड्रोन कार्यदल बनाउने

काठमाडौँ। पश्चिम एसियामा द्वन्द्व र सुरक्षा तनाव बढिरहेका बेला अमेरिकी सेन्ट्रल कमान्ड (सेन्टकम) ले अमेरिका र क्षेत्रीय साझेदारका मानवरहित प्रणालीलाई एकीकृत गर्दै पहिलो बहुराष्ट्रिय तथा बहुक्षेत्रीय आक्रमण ड्रोन कार्यदल ‘फाल्कन स्ट्राइक’ गठन गर्ने योजना सार्वजनिक गरेको छ।

सेन्टकमका अनुसार नयाँ कार्यदलले समुद्रको सतह, समुद्रभित्र तथा हवाई क्षेत्रमा सञ्चालन गर्न सकिने मानवरहित प्रणालीलाई एकीकृत गर्नेछ, जससमा एकतर्फी आक्रमणका लागि प्रयोग हुने ड्रोनसमेत समावेश छन्। क्षेत्रीय साझेदारलाई समेत यस कार्यदलमा सहभागी गराउने प्रक्रिया अघि बढाइएको सेन्टकमले बिहीबार जारी गरेको विज्ञप्तिमा जनाएको छ।