पश्चिम एसियामा ‘फाल्कन स्ट्राइक’ को योजना बनाउँदै सेन्टकम

वासिङ्टन डीसी । अमेरिकी सेन्ट्रल कमान्ड (सेन्टकम) ले पश्चिम एसियामा जारी द्वन्द्व र बढ्दो सुरक्षा तनावका बिच पहिलो बहुराष्ट्रिय तथा बहु-क्षेत्रीय आक्रमणकारी ड्रोन टास्क फोर्स गठन गर्ने योजना सार्वजनिक गरेको छ।

अमेरिकी सेनाका अनुसार नयाँ इकाइको नाम ‘टास्क फोर्स फाल्कन स्ट्राइक’ राखिएको छ। यसले अमेरिका र पश्चिम एसियाका साझेदार देशहरूले सञ्चालन गर्ने मानवरहित प्रणालीलाई एउटै संरचनामा समेटेर हवाई, समुद्री सतह र पानीमुनिसहित विभिन्न क्षेत्रमा प्रयोग गर्न सकिने आक्रमणकारी ड्रोन क्षमतालाई एकीकृत गर्ने लक्ष्य राखेको छ।