जलवायु परिवर्तनलाई गहिराइबाट बुझ्नुपर्छ : डा महेश्वर ढकाल

कृषि, वन तथा पर्यावरण मन्त्रालयअन्तर्गत जलवायु परिवर्तन महाशाखा प्रमुख डा महेश्वर ढकालले युवाहरूले जलवायु परिवर्तनलाई गहिराइबाट बुझ्दै जलवायु कार्य र नीति निर्माणमा सक्रिय भूमिका निर्वाह गर्नुपर्ने बताएका छन्।

काठमाडौंमा शुक्रबार आयोजित ‘लोकल कन्फरेन्स अफ युथ’लाई सम्बोधन गर्दै डा ढकालले बदलिँदो जलवायु परिस्थितिमा युवाहरूले आफ्नो भूमिका पहिचान गर्न आवश्यक रहेको बताए। उनले जलवायु परिवर्तनलाई सतही रूपमा नभई यसको प्रभाव, समाधान र न्यायका पक्षलाई समेत समेटेर बुझ्नुपर्नेमा जोड दिए।