र्‍यापर बादशाह र ईशा रिखीले गरे सम्बन्धविच्छेद

नयाँ दिल्ली । बिहे गरेको ५ महिनामै भारतीय र्‍यापर बादशाह र पञ्जाबी अभिनेत्री ईशा रिखी अलग भएका छन् । सोमबार रात दुबैले आफ्नो इन्स्टाग्राम एकाउन्टमा पोस्ट सेयर गर्दै सम्बन्धविच्छेदको पुष्टि गरेका हुन् ।

आफ्नो पोस्टमा बादशाहले यो निर्णय आपसी सहमतिमा गरिएको बताएका छन् । यस समयमा आफ्नो गोपनीयताको सम्मान गर्न र अड्कलबाजी नगर्न उनले फ्यान र मिडियालाई अनुरोध गरेका छन् । विगत केही हप्तादेखि उनीहरूको सम्बन्धमा दरार आएको रिपोर्ट आएको थियो ।