एकै परिवारका तीन तन्नेरी छोराहरूको अकालमै निधन भएपछि गाउँ शोकमा, आर्थिक संकट र विक्षिप्त अवस्थामा वृद्धा आमा

आफैंले चलाएको गाडी अनियन्त्रित भई भएको दुर्घटनामा प्युठानको स्वर्गद्वारी नगरपालिकाका उपप्रमुख (उपमेयर) मीनराज राना मगरले शनिबार ज्यान गुमाए । स्वर्गद्वारी वडा नम्बर–२ धनवाङ वाङगेसल्लाका निवासी राना २०७९ को स्थानीय निर्वाचनमा नेपाली कांग्रेससँगको गठबन्धनमा राष्ट्रिय जनमोर्चाबाट उपमेयरमा विजयीका थिए ।

राना परिवारका जेठो सन्तान ५० वर्षीया मीनराजको परिवारले उनीभन्दा अगाडि दुई भाइलाई समेत अल्पआयुमै गुमाएको थियो । यसअघि साइला भीम रानाको ३८ वर्षको उमेर २०७५ असोजमा हृदयघातबाट निधन भएको थियो । २०७७ चैतमा माइला योगेश रानाको ४१ वर्षका उमेरमा जन्डिसको कारण निधन भएको थियो ।