कोशी प्रदेशका जिससले बाढी पीडितका लागि १ लाख सहयोग गर्ने, जिसस पदाधिकारीको बेग्लै सहयोग

जिल्ला समन्वय समिति महासंघ कोशी प्रदेश समितिले रसुवा बाढी पीडितका लागि कोशी प्रदेशका १४ वटै जिससबाट एकलाख रुपैयाँका दरले सहयोग गर्ने निर्णय गरेको छ।

जिल्ला समन्वय समिति महासंघ कोशी प्रदेश समितिका अध्यक्ष तथा जिसस ताप्लेजुङका प्रमुख छिरिङ लामाका अनुसार कोशी प्रदेशका १४ वटै जिससबाट कम्तिमा एकलाख रुपैयाँका र जिससका पदाधिकारी तथा सदस्यबाट थप सहयोग हुने निर्णय भएको छ। लामाका अनुसार कोशी प्रदेशका जिसस प्रमुखले १५ हजार,उपप्रमुखले १० हजार र प्रदेशभरीका जिसस सदस्यहरुले ५ हजार रुपैयाँका दरले प्रधानमन्त्री दैवी प्रकोप राहत कोषमा आर्थिक सहायता गर्ने निर्णय भएको छ।