एप्पलले थप्यो स्मार्ट एआई टुल, गलत एङ्गलको फोटो पनि सुधारिने

काठमाडौं । एप्पलले आफ्नो फोटो एपमा एप्पल इन्टेलिजेन्समा आधारित नयाँ एआई एडिटिङ फिचरहरू थप्ने घोषणा गरेको छ । कम्पनीले सोमबार सार्वजनिक गरेको जानकारीअनुसार यी फिचरहरूले प्रयोगकर्तालाई फोटो सम्पादनलाई अझ सहज, स्मार्ट र प्रभावकारी बनाउनेछन् ।

नयाँ ‘Spatial Reframe’ फिचरले एआईको सहयोगमा फोटोको फ्रेम पुन: मिलाउन मद्दत गर्नेछ । गलत एङ्गल, असन्तुलित फ्रेम वा विषयसँग पर्याप्त दृश्य सन्तुलन नभएको अवस्थामा यसले फोटोलाई स्वत: सुधार गरी आकर्षक बनाउने क्षमता राख्छ ।