राजनीतिक र प्रशासनिक क्षेत्रमा ‘मुसा प्रवृत्ति’को बिगबिगी

काठमाडौँ । जेठ २१ गते उपराष्ट्रपति कार्यालयमा कार्यरत सचिव कृष्णहरि पुष्कर ‘चेन अफ कमाण्ड’ तोडेका कारण सोधपुछका लागि केहीबेर प्रहरीको नियन्त्रणमा पुगे । प्रधानमन्त्री तथा मन्त्रिपरिषद् कार्यालयको आदेशमा उनलाई उपत्यका अपराध अनुसन्धान कार्यालय टेकुले कपनस्थित निवासबाटै नियन्त्रणमा लिएको थियो ।

सचिव पुष्करले प्रधानमन्त्री वालेन्द्र (बालेन) शाहलाई व्यक्तिगत म्यासेज पठाएको आरोप थियो । बालेनकै पुर्ख्यौली घर महोत्तरीका स्थायी बासिन्दा रहेका उनले मुख्यसचिव वा राजदूत बन्ने आकाङ्क्षा राखेर प्रधानमन्त्रीलाई सिधै म्यासेज पठाएका थिए । करिब ७ घण्टा नियन्त्रणमा परेका उनी मुद्दा चलाउने आधार नभेटिएपछि छुटे ।