कांग्रेस : अब कुन बाटो?

पाँच महिना लामो हङकङ–सिंगापुर बसाइपछि देशको ठुलो र सबैभन्दा पुरानो प्रजातान्त्रिक पार्टी नेपाली कांग्रेसका निवर्तमान सभापति शेरबहादुर देउवा गत साउन २८ गते नेपाल फर्किए। दुई पटक सो पार्टीको सभापति र पाँच पटक प्रधानमन्त्री भइसकेका उनलाई धेरैले सम्भावित कानुनी कारबाहीलाई छल्नकै लागि औषधोपचारको कारण देखाएर विदेशमा बसिरहेको भनेर पनि बुझेका थिए। तसर्थ, फर्कनु उनकै लागि पनि राम्रो हो। उनीजस्तो लोकतन्त्रका लागि लामो समय संघर्ष गरेको नेताले आफूमाथि अनुसन्धान गरिँदै गरेको सम्पत्ति शुद्धीकरणलगायतका मुद्दाको स्वदेशमै बसेर कानुनी प्रतिरक्षा र प्रतिवाद गर्नुपर्छ। त्यस्तो अनुसन्धानलाई कम्युनिस्टहरूको जस्तो देशी–विदेशी षड्यन्त्र भनेर उम्कन खोज्नु उनी स्वयं वा उनका अनुयायीहरूकै लागि राम्रो होइन।

देउवाको आगमनले उत्साही उनका अनुयायी