दक्षिण एसियालीका आन्द्राका सूक्ष्मजीव अन्यत्रका भन्दा फरक

दक्षिण एसियाली जनसंख्याको आन्द्रामा पाइने सूक्ष्मजीव समुदाय (गट माइक्रोबायोम) विश्वका अन्य भागमा पाइनेभन्दा फरक रहेको नयाँ अध्ययनले देखाएको छ। स्थानीय संस्कृति, आहार, भूगोल र जीवनशैलीले आन्द्राको माइक्रोबायोमलाई प्रभावित गर्ने गरेको अध्ययनले देखाएको हो। भारतको लखनउमा रहेको वीरबल साहनी इन्स्टिच्युट अफ प्यालियोसाइन्सेस (बिएसआइपी) का वैज्ञानिकहरूको नेतृत्वमा गरिएको अध्ययनले यस्तो निष्कर्ष निकालेको हो।

विज्ञान तथा प्रविधि विभाग (डिएसटी) अन्तर्गतको स्वायत्त संस्था वीरबल साहनी इन्स्टिच्युट अफ प्यालियोसाइन्सेस (बिएसआइपी), सिकागो विश्वविद्यालय तथा भारत, श्रीलंका र अमेरिकाका सहयोगी संस्थाका वैज्ञानिकहरूले गरेको अध्ययनको निष्कर्षले दक्षिण एसियाली जनसंख्याका लागि, विशेषगरी जीवनशैलीसँग सम्बन्धित रोगका क्षेत्रमा, माइक्रोबायोममा आधारित रोग पहिचान, व्यक्तिअनुसारको पोषण र सटिक स्वास्थ्य सेवा विकासका लागि महत्वपूर्ण वैज्ञानिक आधार प्रदान गरेको छ।