आफ्नो निर्वाचन क्षेत्रका नागरिकका समस्या बुझ्न आइपुगे गृहमन्त्री

गण्डकी । गृहमन्त्री सुधन गुरुङ नागरिकका समस्या र गुनासा बुझ्न यतिबेला गृहजिल्ला गोरखामा छन् । आफ्नो निर्वाचन क्षेत्र गोरखा–१ का नागरिकका घरदैलोमा पुगी उनले स्थानीयस्तरमा भइरहेका विकास गतिविधि, सार्वजनिक सेवा प्रवाहलगायत विषयमा छलफल गरेका छन् ।

शुक्रबार गोरखा आइपुगेका गृहमन्त्री गुरुङले विकास आयोजनाको अनुगमनसहित जिल्लाको सुरक्षा अवस्थाबारे जानकारी लिएका प्रमुख जिल्ला अधिकारी तुलसीबहादुर श्रेष्ठले बताए । 'गृहमन्त्रीको कुनै औपचारिक कार्यक्रम छैन, निर्वाचन क्षेत्र भ्रमणका सिलसिलामा आउनुभएको हो,' उनले भने, 'नागरिकसँग प्रत्यक्ष भेटघाट र संवाद गरिरहनुभएको छ ।'