मन्त्री फेरबदलले लुम्बिनी प्रदेशको बजेट निर्माणमा कस्तो असर पर्ला ?

बुटवल । लुम्बिनी प्रदेश सरकारको वार्षिक नीति तथा कार्यक्रम पारित भइसकेको अवस्थामा पाँच वटा मन्त्रालयका मन्त्री फेरबदल भएका छन् । बजेट निर्माणको अन्तिम चरणमा मन्त्रालयहरूले सिलिङ अनुसार योजना तथा कार्यक्रम इन्ट्री गर्ने काम भइरहेका बेला मन्त्री परिवर्तन भएपछि बजेटमा केही असर पर्ने अनुमान गरिएको छ ।

प्रदेश सभाले जेठ १३ गते आगामी आर्थिक वर्षको वार्षिक नीति तथा कार्यक्रम पारित गरेको थियो । त्यसपछि मुख्यमन्त्री चेतनारायण आचार्यले जेठ २० गते एमालेका ४ र जसपा नेपालका एक मन्त्रीलाई हटाएर नयाँ मन्त्री नियुक्त गरेका हुन् । नवनियुक्त मन्त्रीहरूले सोमबार शपथग्रहण गरेर कार्यभार सम्हालेका छन् ।