उल्लेख्य खर्च बढ्दा हिमालयन रि–इन्स्योरेन्स नोक्सानीमा

काठमाडौं । हिमालयन रि–इन्स्योरेन्स कम्पनीको नाफामा ठूलो गिरावट आएको छ । कम्पनीले सार्वजनिक गरेको चालु आर्थिक वर्ष २०८२/८३ को तेस्रो त्रैमाससम्मको (साउनदेखि चैतसम्मको) वित्तीय विवरणअनुसार कम्पनीको खुद नाफा ४ अर्ब ४३ करोड ५२ लाख रुपैयाँले ऋणात्मक (घाटामा) रहेको छ । गत आर्थिक वर्षको सोही अवधिमा भने कम्पनीको खुद नाफा ९८ करोड ९३ लाख रुपैयाँ थियो ।

प्रकाशित वित्तीय विवरणअनुसार गत आर्थिक वर्षको चैतसम्म ४ अर्ब १८ करोड ९ लाख रुपैयाँ बराबरको खुद बिमाशुल्क आर्जन गरेको कम्पनीले चालु आवको सोही अवधिमा भने ४ अर्ब ३ करोड ९६ लाख रुपैयाँ बराबरको मात्रै खुद बिमाशुल्क आर्जन गरेको छ ।