ला लिगामा आलाभेस र सेभियाको विजयी सुरुवात, आज पनि दुई खेल हुँदै

स्पेनिस ला लिगाको नयाँ सिजनमा आलाभेस र सेभियाले विजयी सुरुवात गरेका छन्। आलाभेसले गेटाफेलाई ३–० गोलले हराउँदा सेभियाले रायो भाल्कानोलाई २–१ गोलले पराजित गरेको हो।

आलाभेसको जितमा नाहुएल टेनाग्लिया, मारियानो डियाज र मिकल रोड्रिगेजले गोल गरे। टेनाग्लियाले ७३औँ मिनेटमा गोल गर्दै टोलीलाई अग्रता दिलाएपछि मारियानोले इन्जुरी समयको पहिलो मिनेटमा गोल गरे। मिकल रोड्रिगेजले त्यसको केही मिनेटमै तेस्रो गोल थपे। पहिलो हाफको अन्त्यतिर किको फेमेनियाले रातो कार्ड पाएपछि गेटाफे १० खेलाडीमा सीमित भएको थियो।