रोशी खोलामा पानीको बहाब उच्च भएपछि बिपी राजमार्ग बन्द

सम्भावित जोखिमलाई मध्यनजर गर्दै बिपी राजमार्गमा मंगलबार मध्याह्न १२ः३० बजेदेखि सवारी आवागमन बन्द गरिएको छ।

रोशी खोलामा पानीको बहाब उच्च भएसँगै यात्रु तथा सवारीसाधनको सुरक्षालाई ध्यान दिँदै रोशी खण्डमा सञ्चालन हुने सबै प्रकारका सवारीसाधन आवागमनमा रोक लगाइएको जिल्ला प्रहरी कार्यालय धुलिखेलका प्रहरी नायब उपरीक्षक रवीन विष्टले जानकारी दिए।