विराटनगरबाट २७१ ग्राम ब्राउनसुगरसहित तीन कारोबारी पक्राउ

काठमाडौँ। प्रहरीले लागुऔषध ब्राउनसुगरसहित तीन जना कारोबारीलाई पक्राउ गरेको छ। लागुऔषध नियन्त्रण ब्युरोका अनुसार बिहीबार विराटनगरबाट तीन जना कारोबारी पक्राउ गरिएको हो।

ब्युरोका प्रहरी उपरीक्षक दुर्गाराज रेग्मीका अनुसार पक्राउ पर्नेमा सुनसरी बराहक्षेत्र नगरपालिका-३ का ४२ वर्षीय विष्णु धामी, सोही ठाउँका ३६ वर्षीय रुद्रबहादुर सुवेदी र रामधुनी नगरपालिका-६ का ४८ वर्षीय विजयराज धामी रहेका छन्। लागुऔषध नियन्त्रण ब्युरोको शाखा कार्यालय विराटनगरले लामो समयको निगरानीपछि उनीहरूलाई पक्राउ गरेको रेग्मीले बताए।