बुटवल–गोरुसिङ्गे सडकको डाइभर्सन बग्यो, वैकल्पिक सडक प्रयोग गर्न प्रहरीको आग्रह

बुटवल । बुटवल–गोरुसिङ्गे सडक खण्डअन्तर्गत रुपन्देहीको सैनामैना नगरपालिका–४ र ५ को सिमानामा रहेको घमाहा खोलामा निर्माण गरिएको डाइभर्सन बाढीले बगाएपछि पूर्व–पश्चिम राजमार्ग अवरुद्ध भएको छ । प्रहरीले वैकल्पिक मार्ग प्रयोग गर्न आग्रह गरेको छ ।

केही महिनाअघि सो स्थानको पुल भासिएपछि डाइभर्सन निर्माण गरी सवारी सञ्चालन गरिँदै आएको थियो। तर लगातारको वर्षासँगै आएको बाढीले डाइभर्सन बगाएपछि सडक पूर्ण रूपमा बन्द भएको प्रहरीले जनाएको छ।