आफ्ना मतदातासँग गृहमन्त्री गुरुङको प्रतिबद्धता: सडकदेखि खानेपानीसम्मका समस्या समाधान हुन्छ

गृहमन्त्री सुधन गुरुङले आफ्नो चुनावी क्षेत्रमा मतदातासँगको भेटघाटलाई तीव्रता बनाएका छन्। उनले आइतबार गोरखाको सहिद लखन गाउँपालिका पुगेर स्थानीयवासीसँग भेटघाट गर्दै उनीहरूका गुनासा तथा समस्याबारे जानकारी लिए।

भेटघाटका क्रममा स्थानीयवासीले सडक, मल तथा खानेपानीको समस्या समाधानका लागि सरकारको साथ आवश्यक रहेको बताएका छन्। उनीहरूले दैनिक जीवनसँग प्रत्यक्ष जोडिएका समस्याको दीर्घकालीन समाधानका लागि पहल गरिदिन मन्त्री गुरुङसमक्ष आग्रह गरेका थिए।