उबरको आगमनले उठाएको प्रश्न: के नेपाल डिजिटल लगानीका लागि तयार छ ?

काठमाडौं । कुनै समय मोबाइल एपमार्फत सवारी बुक गर्ने अवधारणा नेपाली समाजका लागि नयाँ र अपरिचित थियो । तर केही वर्षमै अवस्था उल्लेखनीय रूपमा बदलिएको छ । डिजिटल प्रविधिमा आधारित राइड सेयरिङ सेवा आज शहरी जीवनको अभिन्न हिस्सा बनिसकेको छ । याङ्गो, इनड्राइभ र पठाओजस्ता अन्तर्राष्ट्रिय प्लेटफर्महरूबीच प्रतिस्पर्धा भइरहेका बेला विश्वकै अग्रणी राइड सेयरिङ कम्पनी उबरले पनि नेपालमा औपचारिक रूपमा सेवा सुरु गरेको छ ।

उबरको आगमनलाई केवल अर्को कम्पनी नेपाली बजारमा प्रवेश गरेको घटनाका रूपमा मात्र हेर्न मिल्दैन । यसले नेपाल प्रति अन्तर्राष्ट्रिय डिजिटल कम्पनीहरूको बढ्दो चासो, यहाँको डिजिटल बजारको सम्भावना र प्रविधिमा आधारित अर्थतन्त्रको विस्तारलाई संकेत गर्छ । साथै, यसले एउटा महत्वपूर्ण प्रश्न पनि उठाएको छ- के नेपाल डिजिटल लगानी, नवप्रवर्तन र गिग इकोनोमीलाई प्रोत्साहन गर्ने वातावरण निर्माण गर्न तयार छ ?