युक्रेनमा रुसी ड्रोन आक्रमण : १२ जनाको मृत्यु, २१ घाइते

किएभ- रूसले युक्रेनको राजधानी किएभ तथा आसपासका क्षेत्रमा गरेको ड्रोन र ब्यालिस्टिक मिसाइल आक्रमणमा कम्तीमा १२ जनाको मृत्यु भएको छ भने २१ जना घाइते भएका छन्।

युक्रेनी अधिकारीहरूका अनुसार आक्रमणका कारण राजधानी र आसपासका क्षेत्रमा ठूलो भौतिक क्षति भएको छ। किएभमा मंगलबार करिब एक दर्जन शक्तिशाली विस्फोट सुनिएका थिए भने आकाशमा समेत आक्रमणका प्रभाव देखिएको एएफपीले जनाएको छ।