अर्जुन–साहिबासंगै देखिएपछि…

बलिउड अभिनेता अर्जुन कपूर र अभिनेत्री तथा कन्टेन्ट क्रिएटर साहिबा बालीको सम्बन्धलाई लिएर फेरि चर्चा चुलिएको छ। लन्डनको ऐतिहासिक लड्र्स क्रिकेट मैदानमा केहीअघि भएको एकदिवसीय खेल हेर्न दुवै जना संगै पुगेपछि उनीहरू डेटिङमा रहेको अड्कलबाजीले पुनः गति लिएको हो।

अर्जुन र साहिबा पूर्व भारतीय क्रिकेटर युवराज सिंहसंगै दर्शकदीर्घामा बसेर खेल हेरिरहेको तस्बिर तथा भिडियो सामाजिक सञ्जालमा भाइरल भइरहेका छन्। सार्वजनिक रूपमा उनीहरू एकसाथ देखिएपछि यसअघि चल्दै आएका सम्बन्धका चर्चाले फेरि बल पाएको भारतीय सञ्चारमाध्यमले जनाएका छन्।