एकाएक किन विवादमा आए साहरुख खान ? के थियो कारण ?

विमल इलायची विज्ञापन विवादमा शाहरुखको पुरानो बयान फेरि चर्चामा आएको छ। भारतको महाराष्ट्र फुड एन्ड ड्रग एडमिनिस्ट्रेसन (एफडीए) ले विमल इलायची पान मसालाको विज्ञापनलाई लिएर बलिउड अभिनेता शाहरुख खान, अजय देवगन र टाइगर श्रफलाई कारण देखाऊ नोटिस जारी गरेको छ। एफडीएको आरोप अनुसार ‘विमल इलायची’को विज्ञापनमार्फत महाराष्ट्रमा प्रतिबन्धित ‘विमल पान मसाला’को अप्रत्यक्ष प्रचार भइरहेको छ।

उक्त घटनापछि स्वास्थ्यका लागि हानिकारक मानिने उत्पादनको विज्ञापनमा कलाकारको भूमिकालाई लिएर शाहरुख खान र अजय देवगनका पुराना भनाइहरू फेरि चर्चामा आएका छन्। दुवै कलाकारले यसअघि नै कुनै उत्पादन स्वास्थ्यका लागि हानिकारक भए त्यसको उत्पादन र बिक्रीमै रोक लगाउनुपर्ने बताएका थिए।