थारु समुदायले हर्ष उल्लासका साथ मनाए गुरही पर्व

खेतीपातीको काम सकिएसँगै थारु समुदायमा मनाइने पहिलो महत्त्वपूर्ण बालपर्व ‘गुरही’ अर्थात् ‘गुरिया’ पर्व सोमबार पश्चिम तराईका थारु बस्तीमा हर्षोल्लासका साथ मनाइएको छ।

श्रावण शुक्ल पञ्चमीअर्थात् नागपञ्चमीका दिन मनाइने यो पर्वमा बालबालिका तथा युवायुवतीदेखि समुदायका ज्येष्ठ सदस्यसम्म सहभागी भएर परम्परागत संस्कारलाई निरन्तरता दिएका छन्।