टिकटक स्टार २८ वर्षीया शम्सु बीबीको गोली हानी हत्या

पाकिस्तानको ट्याक्सिलामा २८ वर्षीया टिकटक स्टार शम्सु बीबीको गोली हानी हत्या गरिएको छ। स्थानीय प्रहरीमा दर्ता भएको उजुरीका अनुसार अगस्ट १४ मा अज्ञात व्यक्तिले गोली चलाउँदा उनको मृत्यु भएको हो।

प्रहरी उजुरीमा बीबीका पिता फजल साहिबजादाले दिएको विवरणअनुसार घटनाअघि बीबीलाई काशिफ उर्फ ‘काशी’ नाम गरेका व्यक्तिले फोन गरी तत्काल घरबाहिर आउन भनेका थिए। त्यसपछि बीबी आफ्नी १५ वर्षीया बहिनी असीमा र भाइ नैमतुल्लाहसँग कारमा घरबाट बाहिरिएकी थिइन्।