फेरारीको पहिलो पूर्ण विद्युतीय कार ४ करोड डलरमा लिलाम बिक्री

काठमाडौं। फेरारीको पहिलो पूर्ण विद्युतीय कार ‘लुचे’ अमेरिकाको क्यालिफोर्नियामा भएको परोपकारी लिलामीमा ४ करोड डलरमा बिक्री भएको छ। यो रकम कुनै नयाँ कार लिलामीमा बिक्री भएको अहिलेसम्मकै उच्च मूल्य हो।

लिलामीमा बिक्री भएको ‘लुचे’ फेरारीको पहिलो उत्पादन कार रहेको जनाइएको छ। विशेष सजावट, आफूअनुकूल बनाइएका पाटपुर्जा, विशेष पाङ्ग्रा र ब्रेकसहितको सेतो रङको यो कार सामान्य मूल्यभन्दा ३५ गुणाभन्दा बढीमा बिक्री भएको हो।