एमालेले भन्याे– अन्तर्राष्ट्रिय सहयोग जुटाउने मामिलामा सरकार चुक्यो

काठमाडौँ। नेकपा एमालेका नेता प्रदीप ज्ञवालीले प्रदेश र स्थानीय तहका सरकारबिच समन्वय गरेर राहत वितरण गर्न सरकारलाई सुझाव दिएको छ । राष्ट्रिय स्वतन्त्र पार्टी(रास्वपा)ले मङ्गलबार बोलाएको सर्वदलीय बैठकमा एमालेको तर्फबाट उनले यस्तो सुझाव दिएका हुन्।

‘सङ्घ, प्रदेश र स्थानीय सरकारबिच समन्वय हुन जरुरी छ । यी सबै शक्तिलाई परिचालन गरेर एउटा बलियो शक्ति निर्माण गर्नुपर्छ । समन्वयको अभावका कारण राहत सामग्री एक ठाउँमा पीडित जनताहरू अर्को ठाउँमा छन् । सरकारले यस कुरालाई अझ बढी प्रभावकारी बनाउन जरुरी छ, त्यसतर्फ सरकारको ध्यान जाओस्,’उनले भने ।