प्रधानमन्त्रीविरुद्ध सभामुखले खोले फायर, सांसदका प्रश्नको सामना गर्न निर्देशन

काठमाडौं- प्रतिनिधिसभा बैठकमा दुई महिना १३ दिनको पर्खाइपछि सभामुखले प्रधानमन्त्रीमाथि अन्तिम अस्त्र प्रयोग गरेका छन् । प्रधानमन्त्री वालेन्द्र शाह सदनप्रति उत्तरदायी नभएपछि प्रतिपक्षीले निरन्तर सदन अवरोध गरिरहेका छन् । सभामुख डोलप्रसाद अर्यालले प्रधानमन्त्रीलाई दुई पटक भेटेर सदनप्रति उत्तरदायी हुन आग्रह गरेका थिए । तर प्रधानमन्त्रीले सदनलाई नटेर्दा सभामुखले अन्तिम अस्त्र प्रयोग गरेको स्रोतको दाबी छ ।

जेठ १७ गते प्रतिनिधिसभा बैठकमा उपस्थित भएर नेपालले पनि भारतको भूमि मिचेको अभिव्यक्ति दिएपछि प्रधानमन्त्री शाह अफ्ठेरोमा परेका थिए । ‘म प्रधानमन्त्री भएपछि थाहा पाएको भारतले मात्र होइन, नेपालले पनि भारतको जग्गा मिचेको रहेछ,’ प्रधानमन्त्री शाहले भनेका थिए, ‘यो विषयमा दुईपक्ष बसेर हेर्नुपर्नेछ ।’