कालिकोटमा तिला नदी थुनेर ४२० मेगावाट बिजुली निकालिने, एभरेष्ट बैंकको लिड ५२ अर्ब लगानी जुट्यो

काठमाडौं । कर्णाली प्रदेशको कालीकोट जिल्लामा निर्माण हुन लागेको ४२० मेगावाट क्षमताको तिला–२ जलविद्युत आयोजनाका लागि लगानी सुनिश्चित भएको छ । ऊर्जा तिला पावर कम्पनीद्वारा प्रवर्द्धित यस आयोजनाका लागि एभरेष्ट बैंकको अगुवाइमा विभिन्न बैंक तथा वित्तीय संस्थाहरूबीच लगानी सम्झौता (फाइनान्सियल क्लोजर) सम्पन्न भएको हो ।

सोमबार काठमाडौंमा आयोजित एक विशेष कार्यक्रमका बीच आयोजनाको ऋण लगानी सम्बन्धी सम्झौतामा हस्ताक्षर गरिएको छ ।