हल्लाको पछि नलागौँ, पहिचान सुनिश्चित हुनेगरी शव व्यवस्थापन गरिएको छ : नेपाल प्रहरी

काठमाडौं । नेपाल प्रहरीले शवको पहिचान सुनिश्चित हुनेगरी व्यवस्थापन गरिएको जिकिर गरेको छ । मंगलबार राष्ट्रिय विपद् न्यूनीकरण तथा व्यवस्थापन प्राधिकरणमा आयोजित पत्रकार सम्मेलनमा नेपाल प्रहरीले यस्तो बताएका हो ।

नेपाल प्रहरीका वरिष्ठ प्रहरी उपरीक्षक आरपी शाहले शवको विस्तृत हुलिया र डीएनए सुरक्षित गरेर जमिनमा व्यवस्थापन गरिएको बताए । ''शवको प्रकृति हेरेर संभव भएकाहरूलाई फ्रीजमा र नभएकाहरूको हकमा जमिनमुनी सुरक्षित व्यवस्थापन गरिएको छ,'' उनले भने ।