भोटेकोशी–त्रिशूली बाढीपीडित मधेशका परिवारलाई १ लाख राहत, घाइतेको निःशुल्क उपचार

भोटेकोशी तथा त्रिशूली नदी क्षेत्रमा आएको विनाशकारी बाढीबाट प्रभावित मधेश प्रदेशका नागरिकलाई मधेश प्रदेश सरकारले तत्काल राहत, उद्धार तथा उपचारको व्यवस्था गर्ने निर्णय गरेको छ।

मंगलबार मुख्यमन्त्री तथा मन्त्रिपरिषद्को कार्यालय, मधेश भवन जनकपुरमा बसेको प्रदेश मन्त्रिपरिषद्को बैठकले विपद्मा परी मृत्यु भएका मधेश प्रदेशका नागरिकका परिवारलाई प्रति मृतक १ लाख रुपैयाँ राहत उपलब्ध गराउने निर्णय गरेको हो।