चार भाषामा बोलेर भाइरल भए न्यूयोर्कका मेयर ममदानी : फ्यान भन्छन्- उनले गर्न नसक्ने के छ ?

न्यूयोर्क सहरका मेयर जोहरान ममदानीले हालै सार्वजनिक गरेका केही बहुभाषिक भिडियोहरूले सामाजिक सञ्जालमा तहल्का मच्चाएका छन्।

हाइस्कुलका विद्यार्थीलाई निःशुल्क ब्रोडवे टिकट बाँड्ने अभियानको प्रचार गर्न उनले अंग्रेजीसँगै मन्डारिन (चिनियाँ), बंगाली र स्पेनिश भाषामा भिडियो बनाएका हुन्। उनको यो अनौठो र मेहनती शैली देखेर मानिसहरू छक्क परेका छन् र सामाजिक सञ्जालमा भन्न थालेका छन्, 'अब बंगाली पनि बोल्दै छन्, उनले गर्न नसक्ने के छ र?'