सरकारसँग सांसद राईको आक्रोश : गाँजालाई चिन्न नसकेर बर्बाद हुँदैछौँ, जेल भर्दै जाँदा जनताले विद्रोह गर्छन्

काठमाडौं- नेकपा एमालेका सांसद राजेन्द्रकुमार राईले नेपालमा गाँजा खेतीलाई वैधानिक बनाएर व्यावसायिक उत्पादन र प्रशोधन गर्न सके देशको अर्थतन्त्र बलियो बनाउन सकिने बताएका छन् ।

मंगलबार बसेको प्रतिनिधिसभाको बैठकमा विनियोजन विधेयक २०८३/८४ माथिको छलफलमा बोल्दै राईले गाँजा खेती र बिक्रीको आरोपमा धनकुटाका सयौँ युवा जेलमा रहेको भन्दै सरकारले यस विषयमा तत्काल कानुन बनाउनुपर्ने माग गरे ।