नेपालले भारतलाई बिजुली बेचेर फेरि किन्छ, किन ?

केही दिनअघि लामो समयपछि सामाजिक सञ्जाल मार्फत एक जना आफन्तसँग कुरा गर्ने अवसर मिल्यो। हाम्रो कुराकानी परिवार, स्वास्थ्य, कामकाज र दैनिक जीवनका विषयबाट शुरु भयो र विस्तारै राजनीति तथा राष्ट्रिय विषयतर्फ मोडियो।

उहाँ राजनीतिक रूपमा सचेत हुनुहुन्छ र समसामयिक घटनाक्रममा पनि राम्रो चासो राख्नुहुन्छ। कुराकानी गहिरिंदै जाँदा नेपालले भोगिरहेका विभिन्न चुनौती र तिनका कारणबारे चर्चा हुन थाल्यो। एक प्रसङ्गमा उहाँले देशका धेरै समस्या कमजोर नेतृत्वका कारण उत्पन्न भएका हुन् भन्नुभयो। मैले न सहमति जनाएँ, न असहमति।