मकवानपुरमा स्कार्पियो दुर्घटना हुँदा रजिष्ट्रारकी पत्नीको मृत्यु, पाँच घाइतेमध्ये एकको अवस्था गम्भीर

काठमाडौं । मकवानपुरको भीमफेदी गाउँपालिका-६ जुरिखेतमा मंगलबार बिहान भएको स्कार्पियो जिप दुर्घटनामा परी गम्भीर घाइते भएकी एक महिलाको उपचारको क्रममा निधन भएको छ।

मृत्यु हुनेमा रजिष्ट्रार तारादत्त बडुकी ४९ वर्षीया श्रीमती लक्ष्मी बडु रहेको प्रहरीले जनाएको छ। उनको काठमाडौंस्थित वीरेन्द्र सैनिक अस्पताल, छाउनीमा उपचारको क्रममा मृत्यु भएको हो।