ट्रम्पको 'अप्रूवल रेटिङ' ३३ प्रतिशतमा झर्यो !

अमेरिका र इरानबीचको युद्धका कारण अमेरिकी राष्ट्रपति डोनाल्ड ट्रम्पको लोकप्रियता लगातार घट्दै गएको छ । ‘रोयटर्स/इप्सोस’ ले हालै गरेको एक सर्वेक्षणअनुसार ट्रम्पको कार्यशैलीलाई जम्मा ३३ प्रतिशत अमेरिकी नागरिकले मात्र अनुमोदन गरेका हुन्। यता, ६४ प्रतिशतले भने उनको कामकाजप्रति असन्तुष्टि व्यक्त गरेका छन् । रोयटर्सका अनुसार ट्रम्पको वर्तमान राष्ट्रपतिकालमा यो नै सबैभन्दा कम अप्रूवल रेटिङ हो ।

यसअघि यसै महिना गरिएको सर्वेक्षणमा ट्रम्पको अप्रूवल रेटिङ ३५ प्रतिशत रहेको थियो। हालको ३३ प्रतिशतको यो रेटिङ ट्रम्पको पहिलो कार्यकालको डिसेम्बर २०१७ मा रेकर्ड गरिएको सबैभन्दा तल्लो विन्दु बराबर हो।