आफ्नै पार्टीका सिनेटरसँग ट्रम्प आक्रोशित

काठमाडौं । अमेरिकी राष्ट्रपति डोनाल्ड ट्रम्पले माथिल्लो सदन सिनेटमा इरानविरुद्धको युद्ध रोक्नेसम्बन्धी प्रस्तावको पक्षमा मतदान गर्ने रिपब्लिकन सांसदहरूको कडा आलोचना गरेका छन् ।

फ्लोरिडाका सिनेटर रिक स्कटको निमन्त्रणामा ट्रम्प अमेरिकी संसद् भवनमा रिपब्लिकन सांसदहरूको दिवाभोजमा सहभागी भएका थिए । उक्त बैठकपछि सिनेटमा सिनेटर बिल क्यासिडीको समर्थनमा नयाँ प्रस्ताव पारित भयो भने पुरानो प्रस्ताव खारेज गरियो । ट्रम्पले नागरिकतासम्बन्धी विधेयक पारित गराउन पनि सांसदहरूलाई दबाब दिने बताएका छन् ।