नयाँ ऐन आउँदै: अफलाइन राइड शेयरिङ गरे २ हजार र ड्राइभिङका क्रममा मोबाइल चलाए १० हजार जरिबाना !

काठमाडौं । सरकारले अफलाइन राइड शेयरिङ गर्ने र ड्राइभिङका क्रममा मोबाइल चलाएर दुर्घटनाको जोखिम बढाउनेहरूलाई कडा जरिबानाको प्रस्ताव गरेको छ । पूर्वाधार विकास मन्त्रालयले तयार पारेको ‘सवारी तथा यातायात सम्बन्धी कानुनलाई संशोधन र एकीकरण गर्न बनेको विधेयक’ को मस्यौदामा सडक सुरक्षा र यातायात क्षेत्रलाई व्यवस्थित बनाउन जरिबानासम्बन्धी निकै कडा र नयाँ व्यवस्थाहरू प्रस्ताव गरिएको हो ।

अहिले उक्त विधेयकको मस्यौदा राय सुझावका लागि कानुन, न्याय तथा संसदीय मामिला मन्त्रालयमा पठाइएको छ । मस्यौदामा व्यवस्था गरिए अनुसार अब प्रविधिको दुरुपयोग गर्ने र सडक नियम मिच्ने चालकहरूले ठुलो रकम जरिबाना तिर्नुपर्नेछ ।