मन्त्रीलाई हेलिकप्टर, जनतालाई अस्पताल छैन : बचाउमा रास्वपा

पूर्वाधारमन्त्री सुनील लम्साल स्वास्थ्यमा समस्या आएपछि हेलिकप्टरमार्फत काठमाडौं फर्किएको विषयलाई लिएर प्रतिनिधि सभामा सरकारको सेवा–सुविधा र सर्वसाधारणको पहुँचबीचको असमानतामाथि प्रश्न उठेको छ।

मंगलबारको प्रतिनिधि सभा बैठकमा नेपाली कांग्रेसकी प्रमुख सचेतक बासना थापाले कर्णाली तथा दुर्गम क्षेत्रका नागरिकले सामान्य उपचारसमेत नपाइरहेको अवस्थामा मन्त्रीलाई लाखौँ रुपैयाँ खर्च गरेर हेलिकप्टरमार्फत काठमाडौं ल्याइएको भन्दै सरकारको आलोचना गरिन्।