बैंकको नाममा नयाँ शैलीको ठगी, ओटीपी माग्ने चार जना पक्राउ

काठमाडौं । बैंकका कर्मचारी बनेर फोन गर्ने र ‘केवाईसी अपडेट’ गर्नुपर्ने भन्दै ओटीपी (One-Time Password) मागेर बैंक खाताबाट रकम चोरी गर्ने गिरोहका चार जनालाई प्रहरीले पक्राउ गरेको छ । नेपाल प्रहरीको साइबर ब्युरोले यस्तो ठगीमा संलग्न रहेको आरोपमा चार जनालाई पक्राउ गरेको हो ।

पक्राउ पर्नेमा बारा देउताल गाउँपालिका ४ का २२ वर्षीय अभय तिवारी, पश्चिम नवलपरासी रामग्राम नगरपालिका १६ का २२ वर्षीय जयकुमार केवट, सोही नगरपालिका १७ का २२ वर्षीय विद्यासागर केवट र पर्साको वीरगञ्ज महानगरपालिका ३ का २७ वर्षीय कुवेर थापा रहेका छन् ।