ईयूको हवाई सुरक्षा सूचीबाट हट्न सरकारको सघन पहल : उड्डयनमन्त्री

काठमाडौँ- संस्कृति, पर्यटन तथा नागरिक उड्डयनमन्त्री खडकराज पौडेलले नेपाललाई युरोपेली संघ (ईयू) को हवाई सुरक्षा सूचीबाट हटाउन सरकार प्राविधिक, संस्थागत र कूटनीतिक तहबाट सघन रूपमा अघि बढिरहेको बताएका छन्।

प्रतिनिधिसभाको मंगलबारको बैठकमा सांसद निस्कल राईले सोधेको प्रश्नको जबाफ दिँदै मन्त्री पौडेलले सन् २०१३ देखि कायम रहेको अवरोध हटाउन सरकारले उच्च प्राथमिकताका साथ काम गरिरहेको बताए।