नेप्से परिसूचक १९ अंकले घट्यो, कारोबार रकम ५ अर्ब नाघ्यो

काठमाडौं– धितोपत्र बजारमा सेयर कारोबार मापक नेप्से परिसूचक आज १९ दशमलव ३४ अंकले घटेको छ। बजारमा बिक्री चाप बढेसँगै नेप्से परिसूचक दोहोरो अंकले घटेर २ हजार ६२२ दशमलव ४८ अंकमा झरेको हो ।

नेपाल स्टक एक्सचेञ्जका अनुसार ठूला कम्पनीको कारोबार मापन गर्ने सेन्सेटिभ परिसूचक २ दशमलव ५५ अंकले घटेर ४६१ दशमलव ०९ अंकमा पुगेको छ। फ्लोट परिसूचक १ दशमलव ३० अंकले घटेर १७९ दशमलव ९७ अंकमा पुगेको छ भने सेन्सेटिभ फ्लोट परिसूचक ० दशमलव ८८ अंकले घटेर १५५ दशमलव ७६ अंकमा कायम भएको छ ।