‘हुम्ली बुहारी’ कल्पनाकुमारी कथा, फुर्सदमा बनाएको एउटै भिडियोमा झन्डै ३ करोड भ्यूज

काठमाडौं । खेतीपाती, मेलापात, घाँसदाउरा र घरका दैनिक काम गर्दा बनाएको भिडियोले अहिले हुम्लाको चंखेली गाउँपालिकाकी कल्पनाकुमारी सिंह चर्चामा छिन् । गाउँघरको दैनिकीबाट फुर्सद मिल्दा कहिलेकाही सामाजिक सञ्जाल टिकटकमा सामान्य भिडियो राख्थिन् । यस्ता भिडियो उनले सम्झनामा रहिरहोस् भन्ने उद्देश्यले मात्रै बनाउँथिन् । तर यही भिडियोले उनलाई चर्चित बनाएको छ ।

मेलापात गर्ने क्रममा उनले एक दिन कर्कलोको पातमा चाउचाउ खाएको भिडियो बनाएकी थिइन् । उक्त भिडियो २ करोड ८० लाखभन्दा बढी पटक हेरिएको छ । यसपछि उनी ‘हुम्ली बुहारी’का रूपमा लाखौँ दर्शकमाझ परिचित बनिन् । आज उनले सामाजिक सञ्जालमार्फत हुम्लाको संस्कृति, जीवनशैली र स्थानीय उत्पादनलाई विश्वसामु परिचित बनाइरहेकी छन् ।