संसद् बहिष्कारपछि आशिका तामाङको प्रश्न- विदेशमा बेवारिसे शव ल्याउने विषयमा मन्त्रीलाई प्रश्न सोध्न नपाउने ?

राष्ट्रिय स्वतन्त्र पार्टी (रास्वपा)की सांसद आशिका तामाङले विदेशमा मृत्यु भएका नेपालीको शव नेपाल ल्याउने विषयमा सरकारसँग प्रश्न गर्न नपाएको भन्दै आक्रोश व्यक्त गरेकी छन् ।

मंगलबारको प्रतिनिधिसभा बैठक बहिष्कार गरेपछि उनले सामाजिक सञ्जालमार्फत सरकार र संसद्को कार्यशैलीप्रति असन्तुष्टि जनाउँदै प्रश्न गरेकी हुन् । ‘परराष्ट्र मन्त्री रोस्ट्रममा उभिएका छन् प्रश्नोत्तर गर्न भनेर, बेवारिसे लास ल्याउने विषयमा मन्त्रीले उही आनाकानी जवाफ दिएपछि मैले प्रश्न सोध्न नपाउने यो कस्तो सदन हो ??? किन बेवारिसे लासको नाममा छुट्टाएको १५ करोड बजेट ?,’ उनले लेखेकी छन् ।