लखनउमा अवैध डेरीविरुद्ध कारबाही गर्दा प्रहरीमाथि फलामे साङ्लोले आक्रमण

लखनउ । भारतको उत्तर प्रदेशको लखनउस्थित पारामा अवैध डेरीविरुद्ध कारबाही गर्न पुगेको नगर निमन र प्रहरीको संयुक्त टोलीमाथि आक्रमण भएको छ । घटनामा बुद्धेश्वर चौकीका इन्चार्ज प्रहरी उपनिरीक्षक विनय पटेलमाथि फलामे साङ्लोले समेत प्रहार गरिएको आरोप छ । घटनामा प्रहरी र नगर निगमका कर्मचारी घाइते भएका छन् ।

प्रहरीले घटनामा संलग्न भएको आरोपमा दुई महिलालाई पक्राउ गरी जेल पठाएको छ । घटनामा नाम तोकिएका १२ र अज्ञात १२ गरी कुल २४ जनाविरुद्ध मुद्दा दर्ता गरिएको प्रहरीले जनाएको छ । अन्य आरोपीको खोजी भइरहेको छ भने घटनास्थल आसपासका सीसीटीभी फुटेज पनि जाँच भइरहेको छ ।