कूटनीतिक र विशेष राहदानीको दुरुपयोग रोक्ने व्यवस्था गर्न सांसद अधिकारीको माग

सांसद लिमा अधिकारीले कूटनीतिक तथा विशेष राहदानीको दुरुपयोग रोक्न स्पष्ट र कडा कानुनी व्यवस्था गर्न सरकारसँग माग गरेकी छन्।

प्रतिनिधिसभामा ‘राहदानी ऐन, २०७६ लाई संशोधन गर्न बनेको विधेयक’ माथिको सैद्धान्तिक छलफलमा भाग लिँदै अधिकारीले कूटनीतिक तथा विशेष राहदानीको दुरुपयोग नियन्त्रणलाई विधेयकले प्राथमिकतामा राखेको बताइन्। उनका अनुसार संसद् सचिवालयमा गत वैशाखमा भएको सर्वदलीय छलफलमा समेत कूटनीतिक तथा विशेष राहदानीको दुरुपयोग रोक्न कडाइ गर्नुपर्ने विषयमा दलहरूबीच साझा धारणा बनेको थियो।