जब किशोर श्रेष्ठलाई पक्रिन दौडिएको प्रहरी दुवै पटक खाली हात फर्कियो

काठमाडौं- आस्था मिडियाका अध्यक्ष तथा जनआस्था साप्ताहिकका सम्पादक किशोर श्रेष्ठलाई फेरि पक्राउ गर्ने सरकारको प्रयासलाई जिल्ला अदालत ललितपुरले असफल पारिदिएको छ ।

सर्वोच्च अदालतले पाँच दिनदेखि प्रहरी हिरासतमा रहेका श्रेष्ठलाई रिहा गर्न सोमबार राति आदेश दिएको थियो । यस्तोमा जिल्ला अदालत ललितपुरका दुईजना न्यायाधीशले श्रेष्ठविरुद्ध पक्राउ पुर्जी जारी गर्ने सरकारको प्रयासलाई अस्वीकार गरिदिएका हुन् ।