संसद् र संसदीय समितिमा देखिएका अमर्यादित गतिविधिसँग कांग्रेस असहमत

२ भदौ, काठमाडौं । नेपाली कांग्रेसले संसद् तथा संसदीय समितिमा देखिएका अमर्यादित गतिविधिप्रति गम्भीर असहमति जनाएको छ । उसले जनप्रतिनिधिहरूलाई उच्च राजनीतिक मर्यादा तथा संसदीय संस्कार कायम राख्न आग्रह पनि गरेको छ ।

केन्द्रीय कार्यसमिति बैठकले गरेका निर्णयहरू सार्वजनिक गर्न कांग्रेसले मंगलबार जारी गरेको प्रेस विज्ञप्तिमा संसदीय मर्यादा, सुशासन र शासकीय जवाफदेहितामा जोड दिएको छ ।